jueves, 28 de julio de 2011

¿Vivi bessôi ise une sielte o une imposizion?


   Lis personis no cubiadis a son un grup demografic in cressite tal mont ocidentâl. A Buenos Aires tra no maridats, separâts, divorziâts o vedui, si calcole la metât de popolazion cirche.
  ---- 

Seont studis, cuatri su dîs, tra 25 e 65 agns a declarin sei “discubiâts”, ancje ricognossint che a podaressin cambiâ di categorie se cjatassin la persone juste.         
    L’aument dai no sposats si lu relazione cun la instabilitât des unions. Il posponi tra i zovins il prin compromès, la traietorie su la autonomie des feminis, lis lôr consistentis richiestis tal cjatâ un gnûf "partner".
   ----

    Chest cambi al altere lis formis des relazions, significant che la gran part al travierse un periodi de sô vite adulte, sedi par sielte o par imposizion, cence rivâ a formâ nissun leam seri.  
----
    Par tancj di lôr il no sposâsi al è sinonim di intimitât e libertât individuâl, concedint une centralitât tai risultâts professionâi, saldant dai leams cun amîs e fîs, favorint une intense vite sociâl. Altris a àn la sensazion di sei isolâts, un fenomen des grandis citâts, dulà che la socialitât dai altris e je plui visibile, che po provocâ une dolorose cjalade in chei che si sintin bessôi. I umans o sin individuis integrats e socievui.  
----
    Studiis sientifics a mostrin che la gran part des personis no puedin vivi a plen, cence vê par dongje dai afiets, cui cuai podè interagjî. A mostravin ancje che i contats sociâi cun rets di grandis dimensions, dispès e aumente la sensazion di ben stâ. Tes grandis citâts, la metât cirche des personis a vivin solis, che a vedin o no une cubie, ognidun a cjase sô.
   ----

    Ciertis carateristichis de vite moderne a aumentin lis sensazions di solitudin: i spazis publics a àn lassât di sei sîts di incuintri; alts nivei di sfiducie interpersonâl a son privativis di ambients cun grandis disparitâts sociâls e ancje lis gnovis tecnologjiis spes a rinfuarcin l’isolament.
   Se lis relazions di cubie a son efimaris, ¿i leams sociâi si slaçarano o si trasformarano tal timp?
  ----

Rigjavât da un articul di un cuotidian. Galliano lu a sintetizât e tradot al furlan.
----

2 comentarios:

Unknown dijo...

O crôt ch'al sedi dapardut compagn. Cun internet a son ducj tacâts a cirî cualchidun âltri par fâ sès. Cu lis dificoltâts economichis i oms a no si fidin plui a meti sù famee. A fuarce di reclamâ le paritât dal sès, lis feminis le an otignude e a dî il vêr a son ancje favorisadis pes leçs e cussí l'om al evite le quistion dal matrimoni. Un grum di voltis i oms come lis feminis a cirin plui un partner par fâ le taconade o lâ fûr che par stâ a cjase insiemit. Al é râr cuant che une copie a é ancje amie e che a fasin squâdre insiemit in te vite.Mandi

Galliano dijo...

Mandi Jaio,

O soi dacuardi che vuê dut il mont al è paîs. Lis tôs peraulis a somein saltadis fûr da un vanzeli moderni, dulà che lis regulis a son chestis. Larano cambiant ancjemò tal timp? Di sigûr si, dome che tancj di nô no sarin a viodilis (par fortune). O pensi ai nestris vons che se viodessin la pestefole di vuê ur vignarès un colp.
Stami ben e anin indevant fin che i bus a tirin.

Ti saludi, Galliano